فضفضة ladies

زمن العجايب والغرايب.. ناس تدور الخير وغيرها تدورالمصايب..

البنت تخلي الصايعة منها قريبة.. والواحد يدور على مزيون يصير له حبيبة..

والأبو طايح فالمراقص والبلدان الاجنبية .. متزوج فلبينية و تايلندية وروسية..

عايش جو المراهقة يا قو قليبه .. والحرمة تصبّح في مول وتمسّي فعزيمة..

طايحة فالصالون والنوادي الصحية .. تدور جسم مثالي وتعيش حياة حليمة..

والاهل متشتتين كل حد وهمه .. الصغارية ضايعين فايدين الخدامة..

يتربون عالعادات والمفاهيم الدخيلة.. يتعلمون من النت والقنوات والافلام الاجرامية

الجرايم كثرت بسبة هالعولمة .. والفضايح ما عليها كلام صارت متداولة بسهولة..

الاعلام والدعايات لاعبة لعبتها الخبيثة.. الماركات والازياء والكشخة أكبر هم للبنية..

الأخو ما يذكر اخوه الا فالمناسبة .. الغريب صار حبيب طاعته واجبة ..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

وصخ وملابس وحفاظات.. بقايا أكل ودلاغات..

تنظيف وغسيل ولستة واجبات.. طباخ ومجابل يهال بالساعات..

صريخ وتحرطم طول الاوقات.. هذي هي حال البشكارات..

عطيناهم الحرية تراهم عايشين كالاميرات.. حطينالهم تلفزيون واشترينالهم التلفونات..

لبسناهم الشيل والعبايات .. لكنهم ناكرين الاحسان صج نذلات..

لسانهم طويل وشغلهم جليل صدق نحسات.. يراددون معازبيهم ويدبرولهم مؤامرات..

بواقي الذهب والمجوهرات.. لازم بعدما ينتهي مدة ضمانهم يصدمونك بالشردات..

هذا اهون من انه يسببولك الجلطات.. يذبحون حد من عيالك هالجزارات..

ترى ما بقلبهم رحمة وما يحسون بالحسرات.. ليش تسلمونهم عيالكم مقابل بيزات..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

فالبداية تكون لج أروع صديقة  .. أخلاق وصفات وزينة الاوصاف

بعدها تبدا تظهر لج الحقيقة ..  غرور وتكبر شايفة حالها بنت الاشراف

كانت متواضعة وخلوقة وأحسن رفيقة.. والحين صارت نحسة بأفعالها الزقة

كانت دوم تسأل .. والحين كله تعلل..

بمليون حاجة تتعذر.. مع غيري تتودد..

ومن يلستها معاي صارت تتملل..

من أسلوبي صارت تتشمت..

وبنفسها دوم تتخقق..

إذا بغت شي صرتلها الحبيبة..

أخخ عليها استوت اسغلالية..

تتحراني ماعرف نيتها الشينة..

وإني كاشفة كل ألاعيبها الخبيثة ..

حتى لو تحسسني إنها ما زالت طيبة..

لكن كل أوراقها المخفية للأسف صارت عندي مكشوفة..

آآآآخخخ بس هالصداقة..

راحت سنينها وذبلت العلاقة..

طعمها الحلو راح واستوت بايخة..

أدري إنها بتموت ولغيرها من المصلحجيات لاحقة..

صداقتها صارت معلقة وانا مب زعلانة بالعكس حييييل رايقة..

لأني عطيت حد لهالمصخرة ..

للأسف اكتشفت إنها جذابة وللمشاعر بواقة..

شكلها حست بموقفي صوبها وصارت متوهقة ..

مابي منها شي غير الفراق ..

لأن الحياة معها صارت ما تنطاق..

ماحب أعيش مع إنسانة تجامل وشعارها النفاق..

ولا أريد أن أعيش مع غيورة تحرى عمرها رفيعة المذاق..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

المدارس وتسكرت.. الكليات بندت.. الجامعات دوامها انتهت..

والامتحانات ودوختها راحت.. والاجازة أبوابها انفتحت..

وأمنيتها تحققت.. بسمة كبيرة على شفاتنا انرسمت..

و أفكار هايلة في مخوخنا دارت.. وين بنروح وين بنظهر ؟؟!!

سينما والا كورنيش ممزر..؟؟ نلعب بلاي ستيشن والا قيمزر؟؟

نصيف في تركيا والا في مصر؟؟ نشرب جاي كرك والا زعتر؟؟

أفكار وأفكار تفتح النفس وتسرّ.. مولات البلاد زرنا..

أحدث الأجهزة لعبنا.. إمارات الدولة طفنا..

شوارع دبي حفظنا.. سكيك الفرجان قزّينا..

أكلات العالم جربنا.. أفلام السينمات حضرنا..

بلدان اوروبا سافرنا.. وعلى شرق آسيا سلمنا..

برودكستات العالم العربي طرشنا.. بن كودات الشعوب ضفنا..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

الاهل والاقارب هم العزوة والسند ..

من الحفيد لين الجد..

هم للقلوب بلسم اذا زاد المصايب علينا واشتد..

لهم حق علينا من المهد لين اللحد..

قربهم سعادة وراحة بال مثل الورد..

وعطائهم لك فازدياد عطاء ماله حد..

يشيلونك في عيونهم الحياة معاهم كلها رغد..

قلوبهم صافية من صوبك يقابلون زلاتك بالنسيان..

وإن بدر منك شي جازوك بالتسامح والاحسان..

صلة الرحم بالنسبة لهم من أهم واجبات الانسان..

أول الناس اللي يوقفون جنبك فالافراح والاحزان..

ولطاعة الرحمن هم لك خير الاعوان..

وفي وقت حاجتك لهم تجدهم اول من يطرق البيبان..

لمساعدتك بدون مقابل غير رضا الرحمن..

يعرفون حق الاقارب مهما تطور الزمان..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

قال شو قال بلاك بيري.. قال شو قال بي بيي..

أصحاب البلاك بيري نصهم مخدوعين..

أشكالهم تقول انهم مب مصدقين..

بعضهم مزود خدمة بو تسعين..

والا ما عنده مجبور على تسع واربعين..

تلقاهم طول اليوم عليها مشغولين..

برودكاستات وبن كودات ضايفين..

حتى يحركون اصابعهم وهم راقدين..

خلونا نشوف حال المستعملين..

بنت الابتدائي تقول والله حالة..

بو مصاص يضيفني هذي استحالة..

بنت الاعدادي تقول يا هي حالة..

ميتة عليه صورته خبال شكثر فنانة..

بنت  الثانوي تقول خاطري أعرف منو اللي قايلة..

إني كنت فيوم من الايام حبيبة بوية..

وبنت الجامعة تقول Gym Time..

حليلها تسوي دايت ورايحة الصالة..

والشباب صايرين مثل بعض الناس حثالة..

ما يقصرون فالاشاعات وأساليبهم قتالة..

نشروا فضايح وصور وفيديو..

ويصيدون البنات حتى الحرامية بطريقة فعالة..

بلاك بيري عفس الدنيا..

غطى مكان كل شي حتى البدالة..

صار للطفل الام البديلة..

وللزوج الحرمة المثالية..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

نحن في زمان الواوا.. الشباب كبروا وبعدهم يقولون بابا..

الأجهزة فيها تشتغل على نظام الويندووز والجافا.. الصغارية يتربون على ايدين كاترين وسلينا..

وأبطالهم مهند وسيلا.. وبناتنا صار اهتمامهم فالرجيم واليوغا..

محترفين في صنع الكب كيك والباستا.. يرقدون على صوت الجسمي ويارا..

يشترون من ماكس و زارا.. وجمالهم من الجلوز والماسكارا..

والشباب صاروا يحطون عدسات خضرا وزرقا.. يتحوطون في ممزر وجميرا..

يغازلون لما ورنا.. بعد ما كانوا يركضون ورا شما وعليا..

ويبون عرايس من تركيا وروسيا.. ومعاييرهم فالجمال أشواريا وانجلينا..

نحن في زمان اللي يشتهر فيه المايعة والرقاصة.. والحبايب صاروا أهل الطرب والسمارة..

كل ما ظهرت وحدة بحركات يديدة وصياعة.. خلوا الأضواء عليها وصارت عند كل الناس مرغوبة..

  المعجبات فيها في زيادة وفي كل مكان مسويلها سالفة..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

ليش الستر صار عملة نادرة في هالأيام

كلن يتنافس عسب يظهر مفاتنه

جسد وشعر النواعم تنسدل كالحرير

وتنكشف للأعيان وبكل سهولة يتبادلونه

تتفنن كل بنت بتصوير جسمها وابرازها

حتى تخلي كل جسم نابض يرتعش خقوقه

ويذوب عيون الناظر في هوى صورتها

تنتشر إدمان الشباب لهالصور

الشيطان يخترع موضة بين كل فترة

وأصحاب القلوب الضعيفة تركض وراها وتطلبها

مساكين اللي يفرحون بكثرة تعليقات الناس لصورهم

مادري هل هم مستانسين بأجسادهم والا بمدح الناس عليها

مادري هل هم يتحرون انهم وصلوا للقمر بفعلتهم

والا هي مجرد رغبة أو أجسامهم تحكهم لتصويرها

مادري هل هم يتحرون محد بيعرفهم ؟؟!!

والا نسوا انه ربهم يراقبهم وهو سترهم جدام اهلهم

وهو يقدر يكشفهم في اي لحظة ..

ما فكروا في رياييلهم يوم بيتزوجونهم؟؟

كيف أجسامهم وشعورهم كانت لغيرهم مكشوفة..

ما فكروا في أهلهم اللي عطوهم الثقة؟؟

وخلوا اللي يسوى واللي مايسوى يتكشف لأعراضهم

ما فكروا فربهم اللي عطاهم الحلا والجمال؟؟

اللي في لمحة بصر يقدر يمحي الجمال ويغير أحوالهم

هل بتصوير شعورهم وأجسامهم شبعوا وحققوا أهدافهم؟؟

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

تسأل الحجاب أين فتاتي الجميلة العذراء؟!!

التي طالما ازدانت بمحافظتها علي..

تسأل الحجاب أين التي تجاري المرأة الشقراء..؟؟!!

بزينتها وجمالها بمجرد ارتدائها لي..

تسأل الحجاب لماذا قبلتني بالجفاء..؟؟!!

وقررت البعد والتخلي عني..

كنت خير صديقة لك ومثال الوفاء..

فلماذا تركتني واخترت درب الشقاء..

أتظنين أنك إذا كشفت شعرك تتهني..؟؟!!

لا وربي هذا إلا افتراء..

تذكري أنك بثمن بخس بعتيني..

واشتريت بي زخرف الحياة..

وصرت تنادين بكل فرح وتغني..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

وين الزمان اللي الناس فيها قلوبها لعضها..؟؟!!

وين الزمان اللي فيها الرياييل يغارون على حريمهم..؟؟!!

الناس صاروا يسكرون البيبان في ويه بعضها..

وقاموا يحاتون عمارهم ويدورون مصالحها..

وين الزمن اللي فيه البنت تستحي تناظر ويه محارمها..؟؟!!

وين الزمان اللي فيه الحرمة محتشمة وتخاف من ربها..؟؟!!

وين الزمان اللي فيه الحرمة متمسكة بدينها وهدي نبيها..؟؟!!

صاروا مثل العرايس اللي ينلعب فيها وينرمي بعد ما ينمل منها..

كانت كالتاج تنحط عالراس يتنافس الرياييل فالقرب منها..

بهزة ريح مالوا ونسوا دينهم وكل قيمهم وعاداتهم..

بصوت العولمة والحرية فرحوا وقاموا يغنون لها..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج