كنت غرقانة في فضاك ما عندي شي شاغلني غير طاريك
عايشة أخلى وأسعد لحظات حياتي أجمل تواريخي ابتدت من يوم لقاك
اخترتك وحبيتك وضميتك في حشاي تقاسمت أصدق المشاعر وأرقها معاك
اختصرت الدنيا كلها فيك وبعتها بأرخص الأثمان لجل عينك
تدري الحياة كيف كانت يوم كنت فيها؟ كنت انت الاوكسجين وعلى نفسي مأمنتنك
مع كل صبح ومسا ينبض لك قلبي يذكرك بكل خير ودوم يدعيلك
أصبح على اسمك وأمسي وأنا أحلم بك أسرح فيك وأتذكر لحظة لقاك
من يوم ما عرفتك هلّت علي الخير وتبسمت لي الدنيا لأنك معاي فديتك
ابتسامتك.. ملامحك.. ضحكتك.. نبرة صوتك.. وأسلوبك.. ونظراتك
مشيتك وطريقة كلامك وحركاتك حفظت كل فيك يعني كلك على بعضك
اعتبرتك أحلى هدية من ربي ظليت أدعي ربي إنه يحفظك
يوم ما أكلمك في يوم أتخبل صرت أهلوس في كل مكان باسمك
إنت جنتي وناري وعذابي إنت تامر وأنا ألبيلك وأدللك وتحت ايدينك
مرّت نص سنة من يوم ماتعرفت عليك يهون هالليالي والأيام والشهور عليك؟
صرت أغار من اللي يصبحون ويمسون عليك أغار من هوا غرفتك ولحاف سريرك
ودي أكون بدالهم حتى لو بالحلم عالأقل من كثر غيرتي صرت أنافس الجماد فيك!
كيف لو كان انسان عيل بتخبل وأنا أحاتي كم وقت ظل معاك
رسمت لك أحلى صورة في خيالي وحطيتها في برواز وحفظتها في قلبي اللي مجنونك
كل ما أستاق لك أتطالعها وأتذكر أحلى لحظات حبنا يا محلاك
تدري من بعد قربك شو صار؟ كلّن يبي قربي يوم دروا إني صرت حبيبك
تصدق مرت ساعات من الحين وانا اكتب هالأسطر فيك
مادري كم بطوّل في كتابتي بس اللي متأكدة منه إني ما بخلص منك
بس ودي أقولك كلمات مهمة
