زمن العجايب والغرايب.. ناس تدور الخير وغيرها تدورالمصايب..

البنت تخلي الصايعة منها قريبة.. والواحد يدور على مزيون يصير له حبيبة..

والأبو طايح فالمراقص والبلدان الاجنبية .. متزوج فلبينية و تايلندية وروسية..

عايش جو المراهقة يا قو قليبه .. والحرمة تصبّح في مول وتمسّي فعزيمة..

طايحة فالصالون والنوادي الصحية .. تدور جسم مثالي وتعيش حياة حليمة..

والاهل متشتتين كل حد وهمه .. الصغارية ضايعين فايدين الخدامة..

يتربون عالعادات والمفاهيم الدخيلة.. يتعلمون من النت والقنوات والافلام الاجرامية

الجرايم كثرت بسبة هالعولمة .. والفضايح ما عليها كلام صارت متداولة بسهولة..

الاعلام والدعايات لاعبة لعبتها الخبيثة.. الماركات والازياء والكشخة أكبر هم للبنية..

الأخو ما يذكر اخوه الا فالمناسبة .. الغريب صار حبيب طاعته واجبة ..

والملل صار منتشر بين البنات والفتية.. مع كل اللي عندهم يحسون بها كل صبحية وأمسية..

صار الكل يدخل عالم البزنس ويبغي يكون مليونيرية .. ويطلع شغلة من تحت القاع ويمارسها بكل عفوية..

حتى لو سخيفة المهم انها لعيونهم مالية.. ما ينلامون ترى الحياة استوت غالية ..

كل شي فيها غالي والاسعار عالية .. والعيب كل العيب فالناس الفاضية..

اللي تكتب الاشاعات وتنشرها بدعوة الشفافية.. والناس ما تصدق أي خبر ينتشر صارت واعية..

لها كلمة مسموعة ولحقها دوم مطالبة.. دام انه الصغير كلمته طايعة..

كيف الكبير ما يفرض رايه.. دام انه اللي عايشين بنعيم أكثرهم حرامية..

كيف الفقير ما ينترس قلبه كراهية.. دام انه البنت فصخت الحيا وقامت تلعب جدام الخلق قدم وطايرة..

كيف تبون تعدلون حال الدنيا وهي فإيدين اليهال ضايعة !!